សម្តេចក្រឡាហោម ព្រមានចាត់វិធានការក្ដៅលើមន្ដ្រីពន្លត់អគ្គិភ័យដែលទារថ្លៃសេវាមុនពន្លត់
28-May-2016 | ដោយ មែន កំសត់
ភ្នំពេញ ៖ សម្តេចក្រឡាហោម ឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បានបញ្ជាឲ្យស្នងការនគរបាលនិងអធិការនគរបាលចាត់វិធានការករណីនគរបាល ពន្លត់អគ្គិភ័យរូបណាដែលទាមទារថ្លៃសេវាមុននឹងចុះពន្លត់អគ្គិភ័យ ឆេះលំនៅដ្ឋានប្រជាពលរដ្ឋនៅតាមមូលដ្ឋាននានាទូទាំងប្រទេស។
នៅក្នុងពិធីចែករថយន្តពន្លត់អគ្គិភ័យ១១៣គ្រឿង ជូនទៅតាមបណ្តាស្នងការនគរបាលរាជធានីខេត្តអធិការស្រុកខណ្ឌនានានៅ ទូទាំងប្រទេសនាព្រឹកថ្ងៃទី២៦ ខែឧសភានេះនៅទីស្តីការក្រសួង សម្តេចក្រឡាហោម ស ខេងបានថ្លែងស្នើឲ្យមន្ត្រីពន្លត់អគ្គិភ័យ និងអ្នកពាក់ព័ន្ធ ត្រូវប្រកាន់ទិសស្លោកបួនចំណុច រួមមាន១.លឿនឆាប់រហ័ស, ២.ប្រសិទ្ធភាព, ៣. យុត្តិធម៌ដោយមិនប្រកាន់ពណ៌សំបុរ និន្នាការបក្សនយោបាយ ឬតំបន់នេះជិតតំបន់នោះឆ្ងាយ និងទី៤ តម្លាភាពគឺត្រូវឈរលើប្រយោជន៍របស់ប្រជាពលរដ្ឋ ដែលជាអ្នករងគ្រោះពិតប្រាកដ ពោលជៀសវាងមុនប្រតិបត្តិការត្រូវទារលុយកាក់ពីប្រជាពលរដ្ឋ។
សម្តេចក្រឡាហោម បន្តថារថយន្តពន្លត់អគ្គិភ័យនេះ ក្រៅពីដឹកទឹកពន្លត់ភ្លើងឆេះលំនៅដ្ឋានឬឆេះរបស់របរនានាទៀតដែល ជាផលប្រយោជន៍របស់ប្រជាពលរដ្ឋ រថយន្ដនេះក៏ត្រូវប្រើប្រាស់ ដើម្បីដឹកទឹកចែកជូនប្រជាពលរដ្ឋនៅតំបន់ក្រខ្សត់ទឹកផងដែរ ជាពិសេសនៅពេល តំបន់នោះជួបគ្រោះមហន្តរាយធម្មជាតិផងដែរហើយការដឹកទឹកនោះត្រូវធានា ថាមិនមានទាមទារថ្លៃប្រាក់កាសពីប្រជាពលរដ្ឋឡើយ៕
ចំនួនអ្នកទស្សនា
- ថ្ងៃនេះ1681
- ម្សិលមិញ2851
- សប្តាហ៍នេះ7791
- ខែនេះ233461
- ឆ្នាំនេះ233461
- សរុប20675917